Ish-kandidati i koalicionit “Bashkë Fitojmë” për bashkinë e Kuçovës, Lefter Maliqi ka hedhur akuza të forta ndaj kryebashkiakut Kreshnik Hajdarit për të cilin thotë se çdo ditë jep tendera korruptivë, kurse SPAK-u vazhdon të heshtë.
Gjatë një postimi në rrjetet sociale, Maliqi ngre akuza ndaj prokurorëve të SPAK për të cilët thotë se kanë marrë ryshfet për të mos hetuar Kryetarin e Bashkisë Kuçovë.
“Para dy ditësh mësuam se Prokurorja e “SPAK” Doloreza Musabelli ishte piketuar të vritej nga një bandë kriminale, pasi i kishte hetuar dhe dënuar me burgim të përjetshëm.
Më shkon mendja te dhjetra kallëzime që janë bërë në “SPAK”, për Kryetarin e Bashkisë Kuçovë, ‘Hajdarin e Rilindjes’, i akuzuar më keq se Gjici i Kukësit.
“SPAKU” i ka lënë në heshtje, nuk e di?!…në dilemë…
Tu ketë bërë presion “Banda e Hajdarit” atyre të Spakut, apo do jetë siç tha ai zotëria Shuaipi i Sinecit të Lumasit para derës së “SPAKUT”, që e kanë shembur Prokurorin Kondili etj me € ?
Në fakt këtij prokurori nuk i kanë vënë mbrojtje
Kush do të jetë arsyeja që “SPAKU” po hesht? Autori”, shkruan Maliqi.
