Një aksident tragjik ka ndodhur në Itali, me pasojë vdekjen e një 66-vjeçari shqiptar. Rrok Gjoni ka ndërruar jetë pasditen e djeshme në via Lago di Bolsena në lagjen Matigge di Trevi.
Mediat italiane raportojnë se aksidenti ka ndodhur rreth orës 16:30, teksa 66-vjeçari ishte duke punuar tokën me një mjet bujqësor, kur ka mbetur i bllokuar poshtë mjetit dhe ka ndërruar jetë në vend.
Shqiptari nuk ishte i punësuar në ndonjë kompani të specializuar, por punonte vetë.
Policia ka nisur hetimet për zbardhjen e ngjarjes.
