Vrasja e 37-vjeçares shqiptare Klodiana Vefa, nga bashkëshorti i saj Alfred Vefa, në Itali vijon të jetë kryefjala e mediave të huaja.
Ngjarja ndodhi mbrëmjen e 28 shtatorit në Castelfiorentino të Firences, ku Klodiana u ekzekutua nga ish-bashkëshorti i saj shqiptar, teksa po kthehej nga puna në shtëpi.
Trupi i pajetë i Klodianës, mësohet se është nisur këtë të mërkurë drejt Shqipërisë, ndërsa varrimi do të bëhet ditën e shtunë.
Mediat vendase raportojnë se në Itali janë mbajtur edhe homazhe për ngjarjen e rëndë. “Sapo mora një telefonatë nga Alessio, djali i Klodianës, duke më njoftuar për nisjen e tij dhe të motrës për në Shqipëri, ku do të bëhet varrimi i Klodianës të shtunën me vullnet të familjes”, bëri të ditur kryebashkiaku i Castelfiorentino, Alessio Falorni – Vala.
Kryebashkiaku deklaroi se instuticioni që ai drejton ka hapur një llogari bankare për të mbështetur fëmijët e Klodianës. “Për momentin ajo që kemi rënë dakord është që kjo llogari rrjedhëse e Bashkisë të vihet në dispozicion për të drejtuar çdo donacion, i cili do të vihet në dispozicion të tyre: IT94F0842537790000010299535. Arsyeja duhet të jetë: Klodiana”, u shpreh ai.
Kujtojmë që autori i ngjarjes Alfred Vefa u gjet i vetvrarë 2 ditë më pas në provincën e Firences, San Casciano Val.
