Një aksident automobilistik është regjistruar mesditën e kësaj të mërkure, rreth orës 13:30, në aksin rrugor Fushë Krujë-Kamëz
Autoritetet policore bëjnë me dije se një automjet tip “Benz”, në pronësi të shtetasit E. B., ka aksidentuar një të mitur 12 vjeç, dhe më pas është larguar nga vendi i aksidentit. Si pasojë e përplasjes, i mituri ka mbetur i plagosur dhe është dërguar me urgjencë në spital për ndihmë mjekësore.
Grupi hetimor po punon për sqarimin e rrethanave të aksidentit.
