Një konflikt mes disa personave ka ndodhur mbrëmjen e së hënës (2 tetor) në rrugën “Siri Kodra” në Tiranë. Sipas raportimeve mediatike, një prej personave të përfshirë në ngjarje, e cila ka nisur për motive të dobëta, është edhe një punonjës policie, i forcave “Shqiponja”.
Ky i fundit, gjatë debatit, ka nxjerrë armën e shërbimit dhe ka qëlluar.
Nga të shtënat nuk janë regjistruar të lënduar, ndërkohë Agjencia e Mbikëqyrjes Policore ka nisur verifikimet dhe hetimet për të zbardhur rrethanat e ngjarjes.
Zyrtarisht, as policia dhe as Agjencia e Mbikëqyrjes Policore nuk kanë reaguar lidhur me ngjarjen.
