“Të vihen në zbatim rekomandimet e OSBE/ODIHR” Kështu shprehet ambasada britanike në Tiranë në një reagim në rrjetet sociale për raportin e OSBE/ODIHR për zgjedhjet lokale të 14 Majit.
Sipas saj, rekomandimet duhet të vihen në zbatim për t’i bërë ballë keqpërdorimit të burimeve shtetërore në nivel qendror dhe lokal, shit-blerjes së votës, të garantojnë një mjedis të drejtë mediatik dhe financimit të fushatës për partitë politike.
Britania e Madhe shprehet po ashtu se mbështet punën e Komisionit Ndërpartiak të Reformës Zgjedhore në Kuvendin e Shqipërisë për të siguruar zbatimin e plotë të rekomandimeve.
“Ne përshëndesim raportin e OSBE/ODIHR mbi zgjedhjet lokale të 14 Majit. Është e rëndësishme që rekomandimet e tij të vihen në zbatim, për t’i bërë ballë keqpërdorimit të burimeve shtetërore në nivel qendror dhe lokal, shit-blerjes së votës, të garantojnë një mjedis të drejtë mediatik dhe financimit të fushatës për partitë politike. Mbretëria e Bashkuar mbështet plotësisht punën e Komisionit Ndërpartiak të Reformës Zgjedhore në Kuvendin e Shqipërisë për të siguruar zbatimin e plotë të këtyre rekomandimeve.” – thuhet në reagimin e ambasadës britanike në Tiranë.
