Mbijeton për të paktën edhe 45 ditë, qeveria amerikane, duke shmangur kështu një mbyllje federale, pas Senati dhe Dhoma e Përfaqësuesve u dakordësuan për financimin e një marrëveshjeje në terma afat-shkurtër.
Një faturë që financon qeverinë deri në 17 nëntor, ku nuk përfshihet paketa e ndihmës për Ukrainën, u aprovua në Senat me 88 vota pro dhe me 9 vota kundër.
Presidenti Joe Biden e firmosi marrëveshjen vetëm pak minuta para se të skadonte afati në mesnatë. Propozimi u shty përpara nga kryetari republikan i Dhomës së Përfaqësuesve, Kevin McCarthy, që luftoi edhe kundër linjës së fortë edhe brenda partisë së tij.
Një mbyllje e qeverisë e cila do të nënkuptonte që mijëra punonjës të administratës shtetërore do të dilnin në pritje pa pagë si dhe mbyllje të disa shërbimeve qeveritare, do të hynte në fuqi nga ky 1 tetor.
Mbyllja e katër e qeverisë në dhjetë vjetët e fundit, do të ndikonte te fluturimet ajrore e deri te licencat e martesës.
Që nga vitet ‘70 kanë ndodhur 20 mbyllje të Qeverisë, sipas të dhënave të Shërbimit të Kërkimeve të Kongresit. Mbyllja e fundit ishte edhe më e gjata, që zgjati për 35 ditë nga dhjetori i vitit 2018 deri në janar të vitit 2019, pas një mosmarrëveshjeje për sigurinë kufitare. Gjithsesi në mes të nëntorit, republikanë e demokratë duhet të diskutojnë peërsëri e më pas të miratojnë projektligjin e shpenzimeve, për të cilin do të duhet pajtim mes dy palëve, edhe për paketën e radhës për Ukrainën.
