Drejtuesi i departamentit të Shëndetësisë, Ilir Alimehmeti, duke cituar raportin e KLSH-së për situatën gjatë pandemisë tha se Ministria e Shëndetësisë mashtroi popullin shqiptar me numrin e humbjeve të jetëve.
“Dhe në fakt, që në 16 Prill 2022, në revistën prestigjioze britanike The Lancet u botua përllogaritja e humbjeve të jetëve nga COVID-19 në Shqipëri në vitin 2020 dhe 2021. Ndërkohë që Ministria e Shëndetësisë deklaronte zyrtarisht 3.220 humbje jete dhe pretendonte menaxhimin më të mirë në Europë, shifra e vërtetë rezultoi 17.300, pra 5.4 fish më shumë nga deklarimi zyrtar.Ky raportim fals, kjo gënjeshtër, ishte në nivelin më të lartë nëbotë, i kaluar vetëm nga Afganistani, Iraku, Azerbajxhani, Kirgistani, Taxhikistani, Uzbekistani, Bjellorusia, Bolivia, Haiti, Nikaragua, Venezuela, Bangladeshi, Pakistani, India e vende tëtjera ekonomikisht të prapambetura të Afrikës dhe Azisë”, tha Alimehmeti në një deklaratë nga selia blu.
Ai thekson se nukduhet të pranojmë apo lejojmë që zyrtarët e lartë të luajnë me shëndetin tonë.
“Të gjithë ne kemi pësuar goditje të panevojshme nga menaxhimi i pandemisë COVID-19. Të gjithë ne kemi pësuar humbje që mund të ishin evituar. Të gjithë ne duhet duhet të reflektojmë e të mos lejojmë më përsëritjen e një drame të këtyre përmasave”, u shpreh Alimehmeti.
