Të tjera detaje janë zbardhur mbi vrasjen e 35-vjeçares, Klodiana Vefa, mbrëmjen e kaluar në Itali.
Mediat vendase shkruajnë se kanë qënë fëmijët e mitur ata që e kanë gjetur të parët nënën e tyre të vrarë në mes të rrugës, e më pas kanë dalë fqinjët për tu ardhur në ndihmë.
“Vrapo, mami ka vdekur”. Ishte kjo thirrja e vazjës së vogël të Klodianës, që i tha vëllait të saj se e ëma nuk jetonte më. Teksa në vendngjarje janë gjetur dy gëzhoja.
Ngjarja tragjike ndodhi pak para orës 20:00 të së enjtes pak metra nga shtëpia ku jetonte me dy fëmijët, të moshës 14 dhe 17 vjeç, por jo më me bashkëshortin Alfredin, gjithashtu shqiptar, me të cilin po ndahej. Për këtë të fundit nuk ka ende asnjë gjurmë dhe është aktualisht në kërkim nga karabinierët. Ai rezulton i dyshuari kryesor i ngjarjes së rëndë dhe është shpallur në kërkim nga policia.
