Prokuroria e Posaçme kundër Korrupsionit dhe Krimit të Organizuar (SPAK) ka kërkuar këtë të premte, sekuestrimin e pasurive të shtetasit Alket Hatija, i arrestuar më herët për llogari të Italisë.
Hatija u arrestua në Durrës dhe u ekstradua për të vuajtur dënimin e tij për trafik droge në shtetin fqinj.
SPAK kërkon sekuestrimin e pasurive në emër të tij, dhe të familjarëve të tij. Kjo pasi sipas akuzës, këto pasuri nuk kanë burim të justifikuar. Bëhet fjalë për 8 pasuri, mes tyre apartament, garazhd dhe automjete.
Ndërkohë një hotel në pronësi të familjes Hatija, pas hetimeve, u eshte kthyer me vendim të gjykates së apelit.
