Drejtoria Antimafias Italiane ka zbatuar me urdhër të Prokurorisë Publike të Romës, një urdhër ndalimi të lëshuar nga Gjykata e Romês, ndaj 8 personave (italianë dhe të huaj) të dyshuar se i përkasin një grupi kriminal që vepron në Romë dhe në provincat e Foggia, Terni, Frosinone, Latina, L’Aquila dhe Viterbo.
Pas hetimeve të kryera në periudhën nëntor 2019-mars 2020, në pranga janë vënë 5 shqiptarë, 2 italianë dhe 1 maqedonas.
Ata vidhnin në apartamente luksoze sendeve të çmuara, shufra ari dhe orë me vlerë të madhe.
Për çdo ngjarje kriminale është rikonstruktuar “modus operandi” i vjedhjeve (pothuajse gjithmonë në kohë gjatë natës, pas shërbimeve vëzhguese në objektivat e raportuara nga palët e treta të përfshira në rolin e “gjuajtêsve”), si dhe kanalet e marrjes së mallrave të vjedhura, të rishitura ilegalisht në brendësi të kryeqytetit.
Më tej, në të njëjtin kontekst, u konstatuan dhe dokumentuan disa shitje të lëndëve narkotike si marihuanë dhe kokainë, të cilat u zhvilluan midis Romës dhe Ternit, si dhe kultivimi i një plantacioni marihuanë të ndërtuar në një Rezervat Natyror në Bashkinë Nazzano Romano.
