Policia e Tiranë ka arrestuar një person të shpallur në kërkim, të dënuar me burgim nga gjykata. Në pranga është vënë shtetasi Shpëtim Hyseni, 55 vjeç, banues në Tiranë, i cili është kapur në zonën e Komunës së Parisit.
Autoritet policore bëjnë me dije se ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë e ka dënuar me 1 vit burgim, për veprën penale “Mashtrimi”.
Sipas burime zyrtare, 55-vjeçari, në vitin 2016, kur ka qenë trajner i një skuadre futbolli në Lezhë, i ka marrë një shtetasi, një shumë parash, me premtimin se do ta bënte pjesë të skuadrës së futbollit.
Materialet procedurale i kaluan Prokurorisë, për veprime të mëtejshme.
