Vijojnë problemet me energjine elektrike në juglindje të vendit
Sipas OSHEE, 8 fshatra të njësisë administrative Gorë, Proptisht, Strelcë, Velçan, Selcë, Mesmal, Babjen, Marjanë, Dolanec e Mjaltas vazhdojnë të jenë pa energji elektrike.
Pa energji elektrike prej më shumë se 24 orësh janë dhe 4 fshatra të njësisë administrative Dardhas në Pogradec si dhe 3 fshatra në njësinë administrative Moglicë vazhdojnë të jenë në terr.
Gjatë këtyre orëve pa energji elektrike janë fshatrat e njësive administrative Bulgarec dhe Voskopojë, 3 fshatra të thellë të njësisë administrative të Vithkuqit, fshatrat e njësisë administrative të Novoselë në Kolonjë.
Gjatë orëve të fundit, për shkak të erërave të forta dhe shkarkimeve atmosferike ka pasur ndërprerje të kontrolluara nga operatori i shpërndarjes, kryesisht në zonën e fushës së Korçës dhe Devollit.
Gjithmonë, kur ka reshje të shoqëruara me erëra të forta në zonat malore të juglindjes së vendit ka situata të tilla për shkak të linjave të amortizuara dhe shumë të gjata.
Për 6 orë në orët e pasdites së një dite me pare, ka pasur probleme me furnizimin me energji elektrike në 17 fshatra të bashkisë së Kolonjës dhe fshatra malore të Korçës për shkak të shkarkimeve elektrike në nënstacionit e Mollasit duke e nxjerrë jashtë përdorimit këtë nënstacion.
Kanë qenë punojësit e OSSHE ata që kanë vendosur një transformator tjetër duke rikthyer energjinë elektrike, ndërsa raportohet se po punohet edhe për të rikthyer energjinë në zonat ku ende numngon.
Reshjet e shumta kanë shkaktuar probleme në qarkullimin e mjeteve dhe jo vetëm në një pjesë të konsiderueshme të rrugëve në zonat malore, të njësive administrative Pogradec, Lozhan e Moglice të bashkisë Maliq si dhe fshatra të tjere të bashkisë së Kolonjës.
