Efektivi Afrim Bunjaku humbi jetën dhe dy të tjerë u plagosën pas sulmit që iu bë policisë së Kosovës nga një grup terrorist serb në orët e para të mëngjesit të ditës së dielë.
Pas kundërpërgjigjes, katër serbë, pjestarë të këtij grupit mbetën të vrarë. Ky është bilanci i deritanishëm nga aksioni i Policisë së Kosovës në Banjskë të Zveçanit
Indeksonline ka publikuar trupat e dy serbëve të vrarë nga Policia e Kosovës të cilët po qëndronin afër manastirit të armatosur deri në “dhëmbë”. Sipas tyre, dy serbët janë ekzekutuar nga snajperistë profesionistë të Policisë së Kosovës.
Çfarë ndodhi në veri të Kosovës?
Një pjesëtar i Policisë së Kosovës u vra dhe 3 u plagosën në përleshjet me një grup të armatosur në veri të vendit. Rreshteri Bunjaku u vra në pritën që grupi i armatosur kishte zënë herët në mëngjes në hyrje të fshatit Banjskës në Zveçan. Gjatë shkëmbimit të zjarrit u plagosën edhe 2 policë të tjerë. Më pas grupi i armatosur prej 30 anëtarësh u vendos në manastirin e Banjskës ku për orë të tëra, gjatë gjithë ditës së dielë u shkëmbyen të shtëna me policinë. Në mbrëmje ministri i Brendshëm i Kosovës deklaroi se 4 sulmues u vranë. Tre trupat e serbëve u gjetën në të njëjtën ditë, ndërsa i katërti një ditë më vonë. Ndërkohë gjashtë persona të tjerë, që dyshohet se ishin të lidhur me ta, u arrestuan. Gjithashtu ishin sekuestruar sasi të madhe armatimi.
