Edi Martini rikthehet si trajner te Teuta.
Klubi durrsak ka dalë me deklaratë zyrtare teksa njofton arritjen e marrëveshjes me teknikun e njohur.
Kështu, Martini zëvendëson te “Djemtë e Detit” Diego Longon i shkarkuar ditën e djeshme pas rezultateve jopozitive të skuadrës.
Sot në ambientin e stadiumit “Niko Dovana” KF Teuta ka arritur marrëveshje me trajnerin Edi Martini. KF Teuta i dëshiron mirëseardhje trajnerit të ri në skuadër , duke i dëshiruar suksese dhe arritjen e qëllimeve të vendosura së bashku me skuadrën tonë.- shkruan klubi durrsak.
Për Martinin do të jetë hera e pestë që merr drejtimin e Teutës në karrierën e tij, teksa edhe këtë radhë, si në sezonin e kaluar, fokusi do të jetë fillimisht ta largojë nga zonat e ulëta të klasifikimit.
Martini do të dalë që sot në stërvitje me ekipin dhe do të përgatitë skuadrën për ndeshjen e radhës që është shumë delikate pasi luhet ndaj Kukësit që noton gjithashtu në zonat e ulëta të klasifikimit.
