Ministria e Jashtme e Rusisë ka reaguar zyrtarisht për sulmin e terroristëve serbë ndaj policisë së Kosovës.
Ngjarjen, Moska e konsideron një incident mes serbëve dhe policëve shqiptarë të Kosovës dhe përgjegjës bën kryeministrin Albin Kurti.
“Nuk ka asnjë dyshim që gjakderdhja e djeshme është një pasojë direkte e kursit të Albin Kurtit për të nxitur konflikt dhe të pastrojë territorin nga serbët. Ai synon të krijojë presion të ndërkombëtarëve mbi Serbinë për të njohur pavarësinë e Kosovës”, thuhet në reagim.
Rusia sheh si zgjidhje të situatës në veri të Kosovës krijimin e një asociacioni me fuqi ekzekutive që, sipas saj, do të instrument efektiv për të mbrojtur interesat e serbëve.
