Moti i keq me reshje shiu dhe breshëri që ka pushtuar vendin prej ditës së djeshme, ka shkaktuar problematika në disa qytete të vendit.
Sipas informacioneve mësohet se qyteti i Pogradecit ka qenë dhe zona më e goditur nga reshjet ku si pasojë disa fshatra kanë ngelur pa energji elektrike.
Ndër të tjera thuhet se për shkak të pranisë së madhe të breshërit janë bllokuar disa puseta në Pogradec, dhe i gjithë uji ka vërshuar në rrugë, duke vështirësuar kështu lëvizjen e mjeteve dhe qytetarëve.
