Ministri i Brendshëm në Kosovë, Xhelal Sveçla ka dhënë detaje në lidhje me sulmin që ka ndodhur ditën e sotme në Veri të Kosovës.
Në një dalje për mediat ai theksoi se kanë zbuluar armatime të rënda dhe përgatije për qindra sulmues, duke shtuar se mund të cenohej integriteti i Kosovës.
“Ne kemi 6 të arrestuar, 2 nga këta të plagosur të cilët ishin të armatosur. 4 ishin me radio lidhur, Kemi tre sulmues të vrarë për të cilët po bëhen verifikimet. Policia e Kosovë ka zbuluar armatime të rënda, logjistikë, pajisje për barrikada, dhe pajisje për qindra sulmues të tjerë. Përgatitjet ishin që në mënyrë masive të sulmohet policia e Kosovës dhe të cenohet integriteti dhe sovraniteti i Kosovës”, tha ai.
