Në orët e para të mëngjesit të kësaj të diele, kryeministri i Kosovës, Albin Kurti, njoftoi për sulmin terrorist ndaj stacionit policor të Kosovës në Veri nga bandat serbe të mbështetura nga Beogradi.
Për pasojë një pjesëtar i forcave të policisë humbi jetën dhe një tjetër u plagos. Nga Sali Berisha, deputetët demokratë deri tek Ilir Meta të gjithë faktorët kryesor të opozitës kanë reaguar për këtë ngjarje të rëndë, madje kanë shprehur edhe ngushëllimet për familjen e Afrim Bunjakut i cili mbeti i vdekur nga sulmi.
Por në krahun tjetër ndodh e kundërta. E gjithë qeveria, ministrat, deputetët e PS në heshtje të plotë pasi askush nuk guxon të flasë para qëndrimit që do të mbajë lideri socialist. Madje kryeministri Edi Rama deri në këto momente nuk “guxon” të reagojë minimalisht dhe aq më shumë të dënojë ngjarjen e rëndë në Kosovë.
Natyrshëm që Edi Ramën nuk e lejon Vuçiç të dënojë dhe të përmendë Beogradin si orkestrues të sulmit, këtë e dinë të gjithë. Por Edi Rama nuk ka bërë as një reagim njerëzor, ngushëllimi për familjen e policit të vrarë dhe t;i urojë shërim të shpejtë efektivit që mbeti i plagosur nga ky sulm i paprecedent që shton tensionet në veri të Kosovës.
- Ngjarja e rëndë shton tensionet në veri të Kosovës
Personi që shihni në foto është efektivi i policisë në Kosovë, Afrim Bunjaku, që mbeti i vrarë në orët e para të mëngjesit të së dielës në veri të Kosovës.
Efektivi Afrim Bunjakumbeti i vrarë pas një sulmi te armatosur në drejtim të makinës së policisë, e cila kishte shkuar në fshatin Banjska të Leposaviçit pas informacionit se dy kamionë pa targa kishin bllokuar rrugën.
Por pas mbërritjes në vendin e ngjarjes, policët janë përballur me një sulm të armatosur, ku për pasojë vdiq njëri prej tyre ndërsa një tjetër u plagos.
Presidentja e Kosovës, Vjosa Osmani, ka ndërprerë vizitën zyrtare në New York, si rrjedhojë e ngjarjeve të fundit në veri.
Sipas saj, këto sulme janë të organizuara dhe ekzekutuara nga Beogradi, ndërsa theksoi se dëshmojnë edhe njëherë fuqinë destabilizuese të bandave kriminale.
