Bayern tregohet i frikshëm në shtëpi, teksa mund me rezultatin e thellë 7-0 Bochum.
Siparin e golave e hapi Choupo Moting në minutën e katërt, ndërsa pak më vonë u realizuan edhe dy gola të tjerë me Kane dhe De Ligt. Brenda pjesës së parë, kampionët e Gjermanisë shënuan sërish, këtë herë me Sane.
Pjesa e dytë nis me një penallti për vendasit, të cilën e shndërron në gol Harry Kane. Në këtë pasdite spektakolare nuk mungon as Tel, sulmuesi la gjurmën e tij në këtë sfidë në minutën e 81-të.
Festivali i golave vijoi edhe më tej, pasi Kane nuk e kishte mbyllur ende shfaqjen e tij. Kështu, Bayern kryeson kampionatin me 13 pikë dhe merr në këtë mënyrë frenat e kampionatit.
Dortmund ruan traditën e fitoreve në shtëpi ndaj Wolfsburg. Verdhezinjtë ia dolën me sukses ndaj “Ujqërve” 1-0 në Signal Iduna Park (Dortmund). Goli i vetëm i sfidës erdhi nga Marco Reus, në minutën e 70-të. Skuadra e Terzic gjendet në vendin e pestë me 11 pikë.
Bayern Munich [1] – 0 Bochum – Eric Maxim Choupo-Moting 4’
Bayern Munich [2] – 0 Bochum – Harry Kane 13′
Bayern Munich [3] – 0 Bochum – Matthijs De Ligt 29’
Bayern Munich [4] – 0 Bochum – Leroy Sane 38’
