Është zbuluar emri i autorit që vrau me breshëri kallashnikovi fqinjin e tij mbrëmjen e djeshme në fshatin Hot i Ri në Shkodër. Burime bëjnë me dije se bëhet fjalë për shtetasin Klodian Mihlli, i cili ekzekutoi pas një konflikti të çastit 33-vjeçarin Valter Fierza.
Policia po punon për kapjen e tij, teksa mësohet se në kërkim është shpallur dhe vëllai i autorit, i cili dyshohet se e ka ndihmuar Klodian Mihllin të largohet nga vendi i ngjarjes.
Burime bëjnë me dije se fillimisht konflikti ka nisur mes vëllait të viktimës Kolë Fierza dhe autorit të dyshuar të vrasjes, Klodian Mihllit. Këta dy persona kanë debatuar me njëri-tjetrin për një parkimin e një automjeti në arë. Fillimisht debati ka nisur në një lokal afër banesave lidhur me parkimin duke pretenduar se është bllokuar rruga.
“Më bllokove rrugën, s’kam ku kaloj unë”, ishin debatet që kishin me njëri-tjetrin.
Rreth një orë pas këtij debati, konflikti ka vijuar mes viktimës Valter Fierza dhe Klodian Mihllit. Pas debatit autori, që është edhe komshi me 33-vjeçarin ka marrë armë automatik kallashnikov dhe e ka qëlluar duke e lënë të vdekur në vend.
Pas breshërisë së kallashnikovit, ka dalë menjeherë, vëllai i viktimës, duke e gjetur 33-vjeçarin të ekzekutuar në mes të rrugës, afër makinës së tij. Pas vrasjes autori është larguar në drejtim të paditur.
Mësohet se viktimaValter Fierza bënte një jetë të qetë dhe nuk njihej si person problematik në atë lagje.
