Ka humbur jetën i moshuari, Muhamet Allisha, i cili u përplas nga një makinë pasditen e sotme në qendër të Korçës.
I moshuari u nis pak më herët me helikopter drejt Traumës, për shkak të gjendjes së tij të rënduar, por raportohet se ka ndërruar jetë vetëm pak minuta më parë, sapo ka mbërritur në spital.
“Sot rreth orës 16:15, në bulevard “Republika”, Korçë, automjeti tip “Benz”, me drejtuese shtetasen O. M., ka aksidentuar biçiklistin M. A., rreth 79 vjeç, banues në Korçë, i cili u transportua për mjekim në spitall. Me drejtuesen e automjetit, po kryhen veprimet e mëtejshme procedurale. Grupi hetimor po punon për sqarimin e rrethanave dhe përcaktimin e shkaqeve të aksidentit”,- njoftoi Policia më herët.
