Megi Pojani ka nisur porgramin e ri të “Për’puthen” me shumë zhurmë dhe kjo nisur për faktin se prezantuesja ka “thyer rregullat” e zakonshme dhe ka zgjedhur të paraqitet në program me një shkop në dorë.
Megi është pritur me komente mjaft pozitive në këtë drejtimin të ri që i është besuar dhe sigurisht kjo gjë është vënë re edhe nga nëna e saj, e cila në të vërtet është habitur nga reagimi pozitiv i publikut.
Gjatë episodit të djeshëm të “Për’puthen”, Megi ka ndarë më të pranishmit në studio se nëna e saj e kishte marrë në telefon dhe ishte habitur që për herë të parë, nuk e kishin sharë.
Teksa Neda, opinionistja e “Përputhen” ka komplimentuar Megin për tre puntatat e para të këtij “reality show”, moderatorja ka shtuar:
“Në fakt Neda, se nuk doja ta përmendja këtë por ka qënë mamaja ime, e para, që më duhet t’ju falenderoj ju që keni dhënë komente pozitive, se unë nuk para i lexoj komentet por mami më mori në telefon sapo mbaroi putanta e parë dhe më tha ‘Aman mi mami se unë u habita që nuk të kishin sharë’”, tregon Megi duke shkaktuar të qeshura në studio.
Pas suksesit në “Dancing with the Stars”, dhe moderimit të “Big Brother FunClub” tashmë Top Channel i ka besuar Megi Pojanit prezantimin e programit “Për’puthen”, nën autorësinë e Olsa Muhameti.
“Top Channel është televizioni i vetëm që kam konsideruar për të vazhduar karrierën time në media. Kanë qenë bashkëpunime shumë të kënaqshme, dhe jam e bindur që edhe Përputhen do jetë një prej tyre. Jam e lumtur që ma kanë besuar si program”, shtoi më tej Megi.
