Kreu i PD-së, Sali Berisha e ka konsideruar ministrin e Drejtësisë, Ulsi Manjës si një kriminel elektoral dhe se bën propagandë si Safet Gjici dhe Shukri Xhelili.
Me këto fjalë Berisha iu drejtua Manjës, pasi ky i fundit tha se ditën e dielë kuksianët do zgjedhin qytetarin e tyre dhe jo një të ardhur nga Tirana, duke iu referuar kandidatëve për kreun e Bashkisë së Kukësit.
Berisha i tha manjës që të zgjedhë që tani qelinë më të mirë për veten e tij, pasi nuk do të ketë amnisti për të.
“Ai është një kriminel i mirëfilltë elektoral. Ai është një kriminel i damkosur elektoral. Ngrihet këtu dhe bën propagandë elektorale njëlloj sikur të ishte Shukriu apo Safeti. Por ai ka dosjen e vet!
Edhe njëherë dua t’i them kriminelit elektoral Manja që sot është në krye të burgjeve: shko dhe zgjidh qelinë. Të garantoj se nuk do të amnistohesh kurrë për krimet e tua të shëmtuara elektorale. Prandaj shko më mirë tani, zgjidhe vetë. Drejtësia vonon, po nuk harron dhe ti do të shkosh aty ku e meriton. Kaq kam, përgjigja ime kjo është! Tani bëji një shkresë SPAK-ut që të arrestojnë Sali Berishën. Mos harro!” – i tha Berisha manjës.
