Policia e Shtetit ka reaguar në lidhje me kërkimet për kapjen e Klered Bozhanaj, i cili mbrëmjen e djeshme plagosi me armë zjarri efektivin e “Shqiponjave”, Edlir Alleshi, në rrugën “Hysen Xhura”, pasi ky i fundit ishte në ndjekje të tij.
Autoritetet policore bëjnë me dije se kanë ushtruar kontrolle në dhjetëra banesa në qytetet Tiranë, Elbasan, Durrës dhe Vlorë dhe do të vijojnë kontrollet intesive, deri në kapjen e tij.
Policia falenderon qytetarët për informacionet e dhëna deri tani, teksa shton se po verifikohen. Uniformat blu u kujtojnë edhe një herë qytetarëve shpërblimin e dhënë prej 20 mijë eurosh për çdo informacion të vlefshëm që do të çojë në kapjen e autorit.
Njoftimi:
Gjatë natës së mbrëmshme dhe ditës së sotme, ka vijuar kërkimi intensiv për kapjen e autorit të ngjarjes së ndodhur në rrugën “Hysen Xhura”, shtetasit Klered Bozhanaj, 42 vjeç, i cili tentoi të vriste me armë zjarri punonjësin e Policisë.
Shërbimet e Policisë kanë kontrolluar dhjetëra banesa në qytetet Tiranë, Elbasan, Durrës dhe Vlorë dhe do të vijojnë kontrollet intesive, deri në kapjen e tij.
DVP Tiranë falënderon qytetarët, për informacionet e dhëna deri tani, të cilat janë duke u verifikuar nga Policia. Policia kërkon vijimin e bashkëpunimit, duke ftuar qytetarët që të japin informacion për autorin e kësaj ngjarjeje dhe vendos shpërblim 20 000 euro, për çdo informacion të vlefshëm, që do të çojë në kapjen e tij.
Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi.
