Policia e Korçës ka vënë në pranga 3 persona për vepra penale të ndryshme dhe ka shpallur në kërkim një tjetër.
Një 41-vjeçar është arrestuar pasi ka përplasur një automjet tjetër në gjendje të dehur.
Një 30 vjeçar është arrestuar gjatë kontrollit kontrollit fizik si dhe në banesën iu gjetën disa fara të dyshuara narkotike kanabis. Pas tij, u procedua në gjendje të lirë edhe vëllai i tij.
Në rrjedhën e operacionit, po ashtu specialistët e hetimti të krimeve arrestuan edhe 20 vjeçarin me inicialet A.M. pasi gjatë kontrollit mësohet se iu gjet një sasi e vogël me lëndë të dyshuar narkotike kanabis dhe municion luftarak.
Ndërsa është shpallur në kërkim një 31-vjeçar pasi ka goditur me grushte dhe shkelma një 57-vjeçar, i cili ndodhet në spital.
“Specialistët e Trafikut Urban dhe Interurban të DVP Korçë arrestuan në flagrancë shtetasin O. L., 41 vjeç, banues në Korçë, pasi në rrugën “Marigo Pozio”, Korçë, duke drejtuar automjetin tip “Mercedes-Benz”, ka përplasur një automjet tjetër dhe si pasojë ka shkaktuar dëme materiale. Pas kryerjes së testit të alkoolit rezultoi se shtetasi O. L. e drejtonte automjetin, në gjendje të dehur.
Specialistët për Hetimin e Narkotikëve të DVP Korçë arrestuan në flagrancë shtetasin F. Sh., 30 vjeç dhe referuan materialet në Prokurori ku filloi procedimi në gjendje të lirë për vëllanë e tij, shtetasin A. Sh., 22 vjeç, banues në Pogradec, pasi gjatë kontrollit fizik, 30-vjeçarit iu gjet një sasi e vogël e lëndës së dyshuar narkotike kanabis, ndërsa gjatë kontrollit në banesën e tyre u gjetën disa fara të dyshuara narkotike kanabis, të cilat u sekuestruan në cilësinë e provës materiale, së bashku me një aparat celular.
Po këta specialistë arrestuan në flagrancë shtetasin A. M., 20 vjeç, banues në fshatin Vloçisht, Maliq, pasi gjatë kontrollit të ushtruar në lokalin e tij, në fshatin Vloçisht, u gjet një sasi e vogël me lëndë të dyshuar narkotike kanabis dhe municion luftarak. Gjithashtu u referuan materialet në Prokurori ku filloi procedimi penal në gjendje të lirë për shtetasin J. A., 27 vjeç, banues në fshatin Libonik, Maliq, pasi në Libonik, gjatë kontrollit të ushtruar në automjetin që ai drejtonte, u gjet një sasi e vogël me lëndë të dyshuar narkotike kokainë, të cilën dyshohet se ia kishte blerë 20-vjeçarit A. M. Sasitë e lëndëve narkotike dhe municioni u sekuestruan në cilësinë e provës materiale.
-Specialistët për Hetimin e Krimeve të Komisariatit të Policisë Korçë referuan materialet në Prokurori dhe shpallën në kërkim shtetasin J. C., 31 vjeç, banues në Korçë, pasi gjatë një konflikti të çastit, në lagjen nr. 10, Korçë, ka goditur me grushte dhe shkelma një 57-vjeçar, i cili ndodhet në spital. Vijon puna për kapjen e shtetasit J. C.”- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
