Kryetar i grupit parlamentar “Aleanca për Ndryshim”, ku bëjnë pjesë deputetët e partive të vogla, për sesionin e ri parlamentar do të jetë Dashamir Shehi.
Këtë gjë e njoftoi nënkryetarja e Kuvendit, Ermonela Felaj në nisje të seancës së sotme plenare. Sesionin e kaluar parlamentar, kryetar i grupit parlamentar “Aleanca për Ndryshim” ka qenë Fatmir Mediu.
“Kasëm Mahmutaj ka njoftuar largimin nga grupi parlamentar për Drejtësi dhe Integrim. Grupi Aleanca për Ndryshim ka ndryshuar kryesinë e tij. Dashamir Shehu, do të jetë kryetar i kreut të grupit.”- tha Felaj.
