Kreu i grupit parlamentar të PD-së, Gazment Bardhi i është drejtuar ditën e sotme me një kërkesë kryetares së Kuvendit, Lindita Nikolla për të futur në rendin e ditës ndryshimin e përbërjes së Komisionit Parlamentar për Reformën Zgjedhore.
Në kërkesën e tij, Bardhi shprehet se ndryshimi i anëtarëve të Komisionit për Reformën Zgjedhore të bëhetme qëllim për ta kthyer atë funksional, pasi sipas tij, në përbërje ka emra nga opozita të cilët e kanë dorëzuar mandatin e deputetit me shumë se një vit më parë dhe se puna në atë komision ka qenë joefiçiente.
“Me qëllim që të bëhet funksional Komisioni i Reformës Zgjedhore, për shkak të mungesave nga rradhët e përfaqësuesve të opozitës (për shkak se ka deputetë që kanë dorëuzar mandatin) dhe pas analizës së punës së përfaqësuesve të opozitës në këtë Komision, ku për 1 vit e gjashtë muaj janë zhvilluar vetëm dy mbledhje, duke bllokuar cuarjen përpara të kësaj Reformë të rëndësishme për vendin”, shkruan kreu i Grupit të PD-së.
Vlen të theksohet fakti se emrat e propozuar u dakordësuan në mbledhjen e deputetëve para dy ditësh në Kukës, teksa në listë nuk ka asnjë prej grupimit të Lulzim Bashës.
Në seancën e sotme plenare nuk do të jetë i pranishëm Kryeministri Edi Rama, pasi ndodhet në New York në Asamblenë e Organizatës së Kombeve të Bashkuara.
EMRAT E PROPOZUAR:
1. Oerd Bylykbashi – Bashkëkryetar
2. Znj. Dhurata Cupi anëtar
3. Z. Dashnor Sula-anëtar;
4. Z. Ervin Salianji – anëtar;
5. Znj. Lindita Metaliaj – anëtar: 6. Z. Tomor Alizoti – anëtar;
7. Z. Fatmir Mediu-anëtar; 8. Z. Shpëtim Idrizi – anëtar,
9. Z. Petrit Vasili- anëtar;
10Znj. Eralda Bano – anëtar zëvendësues;
11. ZAsllan Dogjani – anëtar zëvendësues;
12. Znj. Elda Hoti – anëtar zëvendësues.
