Një shtetase shqiptare e shpallur në kërkim, është arrestuar këtë të enjte në Londër.
Mediat e huaja raportojnë se në pranga ka rënë shtetasja Lirie Delishi 25 vjeçe, e cila është shpallur në kërkim nga autoritetet shqiptare pasi akuzohet për falsifikim të identitetit.
“Gjykatës së ekstradimeve iu tha se Lirie Delishi 25 vjeçe, me banin në veri të Londrës, kërkohet pasi sipas akt akuzës ngritur nga drejtësia shqiptare, ajo dyshohet se në datën 22/08/2019 në territorin e Shqipërisë, mbante një pasaportë rumune të falsifikuar e cila i përkiste Simona Valcu”,- raportojnë mediat e huaja.
Më tej në aktakuzë shpjegohet se Delishi kishte si qëllim ta përdorte këtë pasaportë sikur të ishte e vërtetë duke i vendosur foton e saj.
Delishi është duke zhvilluar seancat gjyqësore të ekstradimit e lënë e lirë me kusht. Ndërkohë seanca e radhës ndaj saj do të mbahet në 16/01/2024 ora 10:00 në gjykatën Westminster Magistrates’ Court.
