Një 64-vjeçare shqiptare në Greqi ka përjetuar momente makthi, pasi ka qenë viktimë e një rrahjeje dhe tentative përdhunimi nga një 65-vjeçar shqiptar.
Ngjarja ka ndodhur të martën e kaluar në Zakynthos, teksa mediat vendase raportojnë se gjithçka ka ndodhur pak pas orës 17:00 të pasdites në zonën e Ano Gerakarit.
Siç denoncoi 64-vjeçarja, burri e sulmoi, e rrahu dhe më pas tentoi ta përdhunonte. Mirëpo ai nuk ka arritur ta përfundojë veprën e tij të rëndë, pasi është vënë re nga një kalimtar i rastit dhe është larguar me vrap.
Pas sulmit, gruaja u transferua dhe qëndron në spitalin e Zakynthos për ndihmën e parë, ndërsa 65-vjeçari u gjet dhe u arrestua për tentativë përdhunimi, lëndim fizik, kanosje dhe fyerje.
