Deputetja e Partisë Demokratike, Flutura Açka është revoltuar nga fakti se Kuvendi nuk e njeh si kryetare të grupit parlamentar të PD-së, pas një letre të çuar nga kreu i vulës, Lulzim Basha.
Nisur nga ky fakt, në shenjë revolte ajo ka braktisur ditën e sotme mbledhjen e Konferencës së Kryetarëve. Ajo mori pjesë në konferencë si kryetare e komisionit të Edukimit dhe Arsimit, por nuk e ka pranuar këtë rol dhe është larguar nga mbledhja që në nisje të saj.
Në mbledhjen e ditës së sotme të Konferencës së Kryetarëve, si kreu i grupit parlamentar të PD-së është thirrur Gazment Bardhi, i cili ka dhe mbështetjen më të madhe në grupin parlamentar, ndërsa Bashën e mbështetin vetëm rreth 10 deputetë.
