Në një ambient në qendër të Bllokut është një lokal, në të cilin shiten produkte me bazë hashashi, që vijnë kryesisht nga Holanda. Shumë adoleshentë e të mitur e frekuentojnë këtë lokal, ku blejnë lirisht kek, lëpirëse, biskota, çamçakëz etj., me përmbajtje hashashi.
Shitësja na konfirmon se këto produkte preferohen shumë, pasi sipas saj, “të ngrenë në qiell”.
Klienti: Si kaluat?
Shitësja: Si kaluat? Mirë!
Klienti: Si jeni? Sa janë këto?
Shitësja: 15-të
Klienti: 15 mijë Lekë?
Shitësja: Po!
Klienti: Ça shijesh ka?
Shitësja: Ka të ndryshme, këto janë me luleshtrydhe edhe këto janë domethënë që janë me luleshtrydhe. Këto me banane me gjëra domethënë dhe kjo me…. Po kjo është më e mira…
Klienti: Kjo?
Shitësja: Po! Lëpirëset janë të ndryshme.
Klienti: Bëjnë noi çikë efekt këto që të…?
Shitësja: Këto janë domethënë të fundit që kanë dalë domethënë para 3 ditësh që ka ardhur furnizimi dhe janë më të mira domethënë se këto të tjerat.
Shitësja: Këto janë çamçakiza, Ej ej ej ej (I flet fëmijëve) Po jo pra oooo ça janë këto pra o Vxxx të lutem ç’është kjo, kjo është lodër dhe nuk duhet ta bësh këtë gjë këtu të lutet Vana. Boll pra tani..
Klienti: Çamçakizat tani
Shitësja: Po më thuaj
Klienti: Sa është kjo ?
Shitësja: Ato janë 10-të mijë lekë
Klienti: Po kjo?
Shitësja: 10-të mijë lekë janë
Klienti: Të gjitha 10-të mijë lekë?
Klientja: Kush ka më shumë efekt që të mbaj?
Shitësja: Prandaj po të them.
Klienti: Hë na i thuaj
Shitësja: Po kjo është Strong-u më e forta prit. Kjo është Super.
Klienti: Keku?
Shitësja: Strong (E fortë në Anglisht). Ke këtë dhe kjo është super.
Klienti: Sa është kjo?
Shitësja: Këto janë nga 15-të
Klienti: Lëpirëset. Kush janë nga këto që të mbajnë?
Shitësja: Tani lëpirëset. Këto janë super që janë strong të zeza fare
Klientja: Ok!
Shitësja: Sa copë doni nga këto?
Klienti: Sa lekë është ajo?
Shitësja: 2 mijë e 500-nd lekë një.
Klientja: Marrim dy?
Klienti: 4!
Shitësja: 4!
Klientja: Ok!
Klientja: Të të pyes po kjo pjesa e tullumbaceve që janë?
Shitësja: Bëhen, kemi bombolat. Kemi bombolën
Klientja: Bëjnë efekt apo?
Shitësja: Yyyyhh të vete në shpirt.
Klientja: Hë?
Shitësja: 2 bombola kanë marrë këta budallenjtë (Fëmijët)
Klienti: Dhe ça bëjnë ato?
Shitësja: Domethënë kjo bombola është 75 mijë lekë dhe ka 50 e ca tollumbaca që ka më leverdi se bombolën që kemi ne këtu
Klientja: Brenda me ça janë të mbushura që ta…
Shitësja: Azot. Mos ki merak domethënë, s’ka lidhje fare.
Klientja: Jo, jo thashë.
Shitësja: Po ndërkohë domethënë që ajo është me sekonda domethënë që ti ngrihesh në qiell fare.
Klienti: Po këto? Ça janë ato?
Shitësja: Këto janë biskota domethënë dhe këto janë dhe këto janë super po kjo është më e mira. Mos i shif kshu
Klienti: Po po. Sa është ajo?
Shitësja: Kjo është super. Kjo është nga 10-të mijë lekë që e kemi pasur e kemi bërë 7-të mijë lekë
Klienti: Ça është kjo tani?
Shitësja: Kjo është 25 mijë lekë. Janë biskotina domethënë që është domethënë të ngrejë fare
Klienti: Ngrejnë?
Shitësja: Kjo na ka ngel e fundit, 25 mijë lekë
Klienti: Këto i morrëm në, paske edhe çokollatë
Shitësja: Kjo është super që ka ardh e reja
Klienti: Na i bëj të gjitha sa lekë bëjnë këto
Shitësja: Tani 15-të edhe 10-të, 25. 15, 40 edhe 10-të
Klienti: 50-të
Shitësja: 50 mijë lekë
Ndërkohë që në lokal ndodhen disa fëmijë në një dhomë apostafat për ta në hyrje të dyqanit shfaqen një grup të rinjsh të cilët duket që janë të mitur. Ata kanë prenotuar dhomën për të provuar produktet e reja që kanë ardhur në dyqan.
Klienti: Po sikur të vijmë ndonjëherë me shoqërinë ne që të prenotojmë kështu!
Shitësja: Po se është me prenotim ajo!
Klienti: E si funksionon?
Shitësja: Domethënë që të marrësh nja 20-30 tollumbaca që i bie 90-të mijë lekë domethënë ose mund të blesh bombola domethënë dh të rrish 1 orë 2 orë për qejf!
Klienti: Aty është vetëm për kështu (Bombla) po kështu nuk…. të vijmë grup shoqëri flasim 5 vajza, 3 djem 4 djem!
Shitësja: Jo vetëm produktet, duhet të bëni dhe tollumbaca!
Klienti: Duhet tullumbace se s’bën.
Shitësja: Po!
Klienti: E sa orë rri aty?
Shitësja: 1 orë 2 orë maksimumi se ka shumë grupe. Unë kam grupe sot deri në 5 të mëngjesit imagjino.
Adrian Fandi, mjek urgjence në Angli, ngre alarmin për balonat apo tullumbacet e mbushura me protoksid azoti dhe helium, duke i quajtur droga shumë të rrezikshme.
Fandi thotë se këto gazra mund të japin efekte anësore deri në fatalitet, që në përdorimin e parë. Ato çojnë në halucinacione, që mund të përfundojnë me vetëvrasje.
“Balonat mbushen me helium ose me protoksid azoti. Protoksidi i azotit që përdorim ne në mjekësi është i përzierë 50% me oksigjen dhe kur e japim e monitorojmë pacientin sepse mund të pësojë një arrest kardiak, ose respirator dhe duhet të jemi të gatshëm për të hyrë në atë moment. Nëse e merr protoksidin e azotit shqeto ai është shumë i rrezikshëm sepse vepron shumë shpejt në sistemin nervor dhe të jep një gjendje euforike, ose kënaqësie. Heliumi është e njëjta gjë sepse heliumi dakord e hollon zërin dhe duket se qesh ti dhe të tjerët, por nëse e merr se hajd se po e marrin të tjerët, unë kam pasur një pacient që ka filluar me psikoza të rënda. Janë gazra që thithen nga gjaku dhe veprojnë në sinapset në sistemin nervor qëndror. Rreziqet dhe problemet që jep ky lloj gazi është një gaz që vepron në sistemin nervor qendror dhe si dhe në sistemin nervor periferik. Aty fillon që nga dhimbja e kokës, nga probleme të tjera neuropatike periferike, si dhimbje këmbësh, dhimbje muskujsh dhe derisa të arrijmë tek halucinacionet. Problemet kryesor janë halucinacionet sepse këta fëmijë kur truri akoma nuk është zhvilluar, kur e përdorin këtë lloj gazi japin problemet e halucinaciove si vizive dhe auditive. Mund të shkaktojnë edhe fatkeqësi që janë fatale, që njeriu në atë moment mund ta ndjejë veten zog, i duket sikur fluturon dhe hidhet nga ballkoni fëmija. Njëkohësisht probleme me dhimbje të koke të forta”, tha mjeku.
Më tej ai shtoi se: Vetëm me një përdorim mund të fillojnë këto. Kam pasur pacientë në Angli që e kanë përdorur për një kohë të gjatë dhe jam duke i kuruar se ende nuk janë shëruar krejt, me probleme psikoze, me probleme depresioni, me probleme halucinacionesh. Unë kam sinjalizuar tek Ministria e Shëndetësisë pasi kam konstatuar tek pacientët e mi që kanë ardhur nga Shqipëria dhe vetë kur kam qenë si turist këtu si në Maj dhe tani kam vënë re që është në shitje të lirë. Natyrisht nuk ka një ligj që e ndalon, por nuk ka asnjë ligj që e aprovon. Këtë e quaj drogë. Fillon me këtë pastaj vazhdon me marijuanën dhe pastaj arrin tek kokaina dhe heroina, drogat e tjera ose drogat sintetike.
