Kryetari i Bashkisë së Lamisë, Thymios Karaiskos, ra viktimë e një sulmi pak para orës 01:00 teksa po kthehej në shtëpi, pas përfundimit të një emisioni televiziv.
Persona të panjohur i kishin ngritur pritë në një kryqëzim të unazës pak para shtëpisë dhe e sulmuan atë duke thyer fillimisht xhamin e pasagjerit dhe më pas xhamin e përparmë të makinës.
Kryebashkiaku i Lamisë në gjendje shoku është dërguar në spitalin e Lamisë. Si në spital ashtu edhe në vendin ku ndodhi sulmi, ishin dhjetëra këshilltarë dhe qytetarë të Lamisë që dënuan ngjarjen.
Pak më parë, gjatë emisionit “Hapi për të gjithë”, në stacionin televiziv STAR të Greqisë Qendrore, kryetari i Bashkisë Karaiskos ishte ankuar se prej një viti kërcënohej për jetën e tij dhe të familjes.
Kjo vjen pas refuzimit të tij për t’iu dorëzuar presionit për të marrë përsipër projektin e Landfillit të Lamisë.
