Pushtimi rus i Ukrainës shkel kartën e OKB-së dhe “ka çliruar një reaksion zinxhir tmerri”, tha sekretari i Përgjithshëm i OKB-së Antonio Guterres gjatë fjalës hyrëse në Asamblenë e Përgjithshme të OKB-së.
Lufta në Ukrainë ka implikime serioze për të gjithë ne, tha ai, duke shtuar se “kërcënimet bërthamore na vënë të gjithëve në rrezik”.
Guterres tha se bota ka shumë nevojë për ushqim dhe plehra ukrainase dhe ruse për të stabilizuar tregjet dhe për të garantuar sigurinë ushqimore.
“Unë nuk do të heq dorë nga përpjekjet e mia për ta realizuar atë,” shtoi ai.
Sistemi global humanitar është në prag të kolapsit, paralajmëroi Guterres, duke thënë se nevojat po rriten dhe fondet po shterojnë.
