Një 40-vjeçar, është arrestuar ditën e sotme në Durrës, pasi akuzohet për grabitje.
Në pranga ka rënë shtetasi, Kristo Myftari, pasi ka vjedhur 4 biçikleta të banorëve të ndryshëm në qytet gjatë këtij muaji.
“Policia e Durrësit pas disa denoncimeve të qytetarëve për vjedhje të biçikletave të tyre, kanë identifikuar, kapur dhe arrestuar shtetasin Kristo Myftari 40 vjeç, banues në këtë qytet.
Nga veprimet hetimore dyshohet se 40-vjeçari, gjatë muajit shtator 2023, ka vjedhur në lagjet nr. 4, nr. 5 dhe nr. 17, biçikletat e 4 shtetasve të ndryshëm.
Me cilësinë e provës materiale u sekuestruan 2 biçikleta të vjedhura.
Vijojnë veprimet hetimore për zbardhjen e vjedhjeve të tjera që mund të ketë kryer shtetasi K. M.”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
