Ernest Muçi ka shënuar golin e tretë në ndeshjen e shtatë në Poloni.
Legia e Varshavës barazoi 1-1 kundër Piast Gliuice në udhëtim, me golin e kryeqytetasve që u shënua nga sulmuesi i Kombëtares.
Muçi mori një pasim të bukur nga Gula në minutën e 69-të, ndërsa pas një kontrolli dhe marrje të mirë, dribloi kundërshtarin dhe gjeti fundin e rrjetës.
Sulmuesi 22-vjeçar ka treguar një formë të mirë këtë sezon, duke bërë që Sylvinho ta ketë pjesë të listës në Kombëtare. Gjithsesi, ne dy ndeshjet e fundit me Çekinë dhe Poloninë nuk u aktivizua për asnjë minutë.
Këtë duel Muçi e nisi nga minuta e parë, duke ia shpërblyer me gol besimin trajnerit Runjaic.
