Një aksident automobilistik është regjistruar mbrëmjen e kësaj të shtune në Kavajë, ku një makinë ka përplasur një person.
Raportohet se një automjet tip “Skoda” ka përplasur 68-vjeçarin Bajram Saraçi, i cili ka qenë duke ecur më këmbë.
Mësohet se në momentin e aksidentit, shoferi i automjetit po udhëtonte me familjen ku në makinë ishte edhe djali 9-vjeç. 68-vjeçari është dërguar me urgjencë në spitalin e Kavajës ku po merr trajtim mjekësor dhe ndodhet jashtë rrezikut për jetën.
Policia ndodhet në vendin e ngjarjes ku po heton për zbardhjen e plotë të shkaqeve të aksidentit.
