Një tragjedi në një familje është regjistruar në Sirmione në Breschia të Italisë, ku një 72-vjeçare humbi jetën pasi u godit me grushte dhe sende të forta nga djali i saj, pas një sherri.
Në momentin e krimit, në apartament, përveç të moshuarës dhe djalit, ndodhej dhe bashkëshortja e këtij të fundit, e cila e pa të gjithë ngjarjen e rëndë.
72-vjeçarja u dërgua me urgjencë në spital, por nuk mundi të mbijetonte për shkak të plagëve të marra.
Shkak për krimit mësohet të jetë bërë një udhëtim në Ukrainë, që 45-vjeçari po mendonte të bënte dhe që nëna e tij nuk e lejonte që të shkonte, kjo edhe për shkak të luftimeve.
Ishin fqinjët ata që njoftuan policinë për ngjarjen, pas thirrjeve për ndihmë dhe ulërimave që dëgjuan nga banesa e viktimës.
