Një pallat i ri në zonën e ‘ish-parkut të Autobusave’ është përfshirë nga flakët pasditen e së enjtes.
Zjarri ka nisur në katin e fundit të pallatit dhe i favorizuar nga era dhe materiali polesterol me të cilën ishte mbuluar fasada e pallatit, është përhapur me shpejtësi në të gjithë pallatin.
Për shkak të tymit të dendur të çliruar nga djegia e polesterolit, një zjarrfikës është asfiksuar dhe është transportuar në spital nga ambulanca që gjendet në vendngjarje.
Për shuarjen e flakëve janë angazhuar 8 mjete zjarrfikëse, po ashtu ka edhe disa bote me ujë. Në vendngjarje ndodhen dhjetëra efektivë zjarrëfikës dhe policie.
