Kryedemokrati Sali Berisha ironizoi sistemin e drejtësisë pas lehtësimit të akuzave për fisin Rraja, të cilët dhunuan dy kushërinj të fisit Maja pak muaj më parë në Borizanë të Krujës. Berisha thotë se ishte ‘Prokuroria Felaj’ ajo që shpalli plagosje të lehtë dhunimin e fisit Maja.
“Prokuroria ‘Felaj’ shpalli plagosje të lehtë dhunimin e fisit Maja. Kjo është ndërhyrje e Ramës. Dënoj me forcën më të madhe megamashtrimin publik. Sot Rrumbullaku nën sqetullën e Ramës, se kishte arrestuar. Por e ftoj që të nxjerrë emrat e të arrestuarve, dhe emrat e bandave, se thotë që ishin 23 të tilla. Flet për shifra të rreme.”, tha Berisha.
Ermonela Felaj iu kthye: “Konfliktin e interesit duhet ta kupton dhe pastaj të flasësh. Të marr fjalën kundër jush, më takon. Do e shfrytëzojë të drejtën që më jep. Mos u merr me familjarët, je bërë gjuetari më i shpifur i këtij vendi. Mos u merr me jetën e tyre dhe s’ja ke falur ti shkollën. Jo si fëmijët e tu.”.
