Vllaznia dhe Partizani barazojnë pa gola në Shkodër ku më të humburit janë djemtë e Migen Memellit për 80 minuta me një lojtar më shumë në fushë.
Maguette me dy të verdhë e la Partizanin me 10 lojtarë që në minutën e 14 por si për ironi ishin të kuqtë që rrezikuan më shumë në pjesën e parë e madje mund të kishin shënuar me Rrapajn.
Në pjesën e dytë ishte Vllaznia që mori thuajse plotësisht iniciativën por krijoi pak raste para portës. Ato erdhën në fund të sfidës, me Qarrin e Hoxhën të cilët u treguan të vëmendshëm për të shmangur gola që mund të ndryshonin fatin e sfidës, duke vulosur rezultatin përfundimtar 0-0.
Pas javës së tretë, Vllaznia shkon në kuotën e 5 pikëve ndërsa Partizani 4 por me një ndeshje më pak.
