Në Gjykatën e Posaçme zhvillohet këtë të enjte seanca ndaj Fredi Belerit. Kryebashkiaku i zgjedhur i Himarës pritet që të jetë i pranishëm në seancë. Prokuroria e Posaçme Kundër Korrupsionit dhe Krimit të Organizuar (SPAK) e akuzon Belerin për korrupsion zgjedhor.
Beleri ndodhet në paraburgim që nga data 12 Maj, dy ditë para zgjedhjeve lokale i arrestuar me akuzën e blerjes së votave tek i infiltruari i policisë. Veteë Beleri është shprhur se është i pafajshëm dhe ka akuzuar kryeministrin Edi Rama për burgosje politike.
Në seancën paraprake do vendoset nëse dosja hetimore e Belerit e përgatitur nga Prokuroria Speciale Kundër Korrupsionit dhe Krimit të Organizuar, për korrupsion aktiv në zgjedhje kryer në bashkëpunim do të kalojë apo jo për gjykim themeli.
Pritet që seanca gjyqësore të monitorohet edhe një delegacion nga Dhoma e Avokatëve të Athinës.
