Një ngjarje e rëndë është regjistruar mbrëmjen e kësaj të enjteje në Tiranë, pasi një grua dyshohet se është vetëhedhur nga kati i pestë i banesës së saj.
Autoritetet policore bëjnë me dije se bëhet fjalë për shtetasen S. Xh., 45 vjeçe, teksa ngjarja ka ndodhur rreth orës 19:25, në rrugën “Muhamet Gjollesha”.
Si pasojë e hedhjes nga kati i pestë, gruaja është dëmtuar dhe ndodhet në spital nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të ngjarjes.
