Një i dënuar me burgim të përjetshëm nga Pensilvania është kapur dy javë pasi u arratis nga burgu. Danelo Cavalcante, 34 vjeç, u arrestua në një zonë të pyllëzuar, sipas një burimi të zbatimit të ligjit.
Ai u dënua muajin e kaluar me burgim të përjetshëm për vrasjen e ish-të dashurës së tij në sy të dy fëmijëve të saj të vegjël në prill 2021.
34 vjeçari u arratis në mënyrë spektakolare nga një burg në Pensilvani dhe pamjet e publikuara të tij që ngjitet si gaforre në dy mure të ndara nga një korridor prej 1.5 metrash bënë xhiron e botës.
Arratisja e tij bëri bujë edhe në vendlindjen e tij, në Brazil, ku ai kërkohej për një tjetër vrasje në vitin 2017. Një roje që duhet të vëzhgonte kamerat e sigurisë u pezullua dhe u vu nën hetim.
Autoritetet përdorën helikopterë dhe makina patrullimi të cilat transmetonin një mesazh audio të nënës së tij braziliane që i bënte thirrje të dorëzohej.
