Një 39-vjeçar është vënë në prangat e policisë së Tiranës pasi akuzohet se duke drejtuar makinën ka përplasur një këmbësore. Ngjarja ka ndodhur në rrugën “Konferenca e Pezës”.
“Një 39 vjeçar, banues në Tiranë, pasi në rrugën “Konferenca e Pezës”, duke drejtuar automjetin, ka aksidentuar shtetasen 61 vjeçe, e cila është dëmtuar dhe ka ndërruar jetë më pas, në spital”, thuhet në njoftimin e policisë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
