Kur dëgjojnë mbledhjen e Komisionit, shumica e njerëzve kanë parasysh procesin, ku politikanët mbajnë në “shpinën e tyre” disa nga çështjet më të rëndësishme të Evropës.
Dhe në të vërtetë, kështu duhet të jetë, veçanërisht kur presidentja, Ursula von der Leyen, është në podium. Mirëpo, fjalimi i sotëm i presidentes në Parlamentin Evropian u bë… viral.
Gjatë fjalimit, komisionerja e BE-së për Çështjet e Brendshme, Ylva Johansson, është “kapur” nga kamera duke dëgjuar fjalimin dhe në të njëjtën kohë… duke thurur një çorape rozë. Megjithatë, kjo nuk ishte hera e parë që komisionerja europiane shihej në një seancë duke thurur.
Në vitin 2021, fotografët e kishin kapur atë në një seancë tjetër duke thurur një çorape leshi blu. Ylva Johansson është deklaruar një adhuruese e madhe e thurjes dhe ka treguar çorapet që thuron zakonisht për kolegët e saj në Parlamentin Europian.
