Është hedhur ditën e sotme në ambientet e Komisionit Qëndror të Zgjedhjeve shorti për përcaktimin e renditjes së kandidatëve në fletën e votimit për zgjedhjet e parakohshme lokale në Kukës që do të mbahen më 24 shtator.
Nga shorti ka rezultuar se numrin një në fletën e votimit do e mbajë kandidati i Partisë Socialiste, Albert Halilaj, ndërsa kandidati i koalicionit “Bashkë Fitojmë”, Emri Vata do të ketë numrin dy.
Këta janë dy kandidatët e vetëm në garë, teksa PD e vulës së Lulzim Bashës nuk nxorri kandidat në garë.
Në fletën e votimit do vendoset emri i kandidatit si edhe logo e subjektit politik dhe koalicionit zgjedhor në rastin e Bashkë Fitojmë. Më 24 shtator qytetarët e Kukësit do t’i drejtohen kutive të votimit për të zgjedhur kryebashkiakun e ri, pas skandalit seksual të Safet Gjicit.
