Presidenti rus Vladimir Putin deklaroi se ndjekja penale e ish-presidentit të SHBA-së Donald Trump ishte e motivuar politikisht dhe nxori në pah “kalbësinë” e sistemit politik të SHBA.
Gjatë një forumi në qytetin lindor të Rusisë, Vladivostok, kreu i Kremlinit tha se ajo që po ndodhte me Trump ishte e mirë nga këndvështrimi i Rusisë. Sipas tij që po i ndodh Trump është persekutim i motivuar politik i rivalit të dikujt politik.
“Kjo tregon gjithë kalbësinë e sistemit politik amerikan, i cili nuk mund të pretendojë se u mëson të tjerëve për demokracinë. Gjithçka që po ndodh me Trump është persekutim i motivuar politik i rivalit të dikujt politik, kjo është ajo që është. Dhe po bëhet para syve të publikut amerikan dhe të gjithë botës. Ata thjesht kanë ekspozuar problemet e tyre të brendshme. Në këtë kuptim, nëse ata përpiqen të na luftojnë në një farë mënyre, është mirë, sepse tregon se kush po na lufton. Kjo tregon, siç thoshin në kohët sovjetike, “fytyrën shtazarake të imperializmit amerikan””, theksoi ai.
Ai i quajti marrëzi të plotë zërat se Trump kishte lidhje të veçanta me Rusinë. Sa u takon marrëdhënieve SHBA-Rusi, putin tha se nuk ka gjasa për ndryshime të rëndësishme, [pavarësisht se kuhs do t’i fitojë zgjedhjet e 2024-ës në SHBA.
Presidenti rus duke folur për rolin që mund të luajë biznesi privat, veçoi biznesmenin miliarder Elon Musk, duke e cilësuar atë si një person të shquar dhe një biznesmen aktiv dhe të talentuar.
