11 mjete lundruese janë bllokuar ditën e sotme, nga Ksamili në Velipojë pasi janë konstatuar në paligjshmëri.
Këto mjete ishin pa dokumentacion në bord, dhe lundronin në zona të ndaluara.
“Mjetet e bllokuara: 6 Jet Ski, 2 gomone, 1 skaf, 1 anije turistike dhe 1 varkë.
-Në Krorëz është bllokuar 1 anije turistike dhe në Sarandë është bllokuar 1 skaf, pasi u konstatuan duke lundruar në zona të ndaluara për mjetet lundruese.
Për këtë shkelje, secili nga drejtuesit u ndëshkua me masën administrative 100 000 lekë.
Në Ksamil, në Sarandë, në Krorëz, në Vlorë, në Shëngjin, në Velipojë dhe në Durrës janë bllokuar 6 mjete lundruese Jet Ski, 2 gomone dhe 1 varkë, për mungesë dokumentacioni në bord.
Për këtë shkelje, secili nga drejtuesit e këtyre mjeteve lundruese u ndëshkua me masën 10 000 lekë”,- njofton Policia.
