Një rast i paprecedentë raportohet të ketë ndodhur në Tiranë, ku një shofer udhëtonte me fëmijën e mitur të hipur mbi bagazh.
Siç shihet edhe nga pamjet e policisë, në një automjet tip “Opel Corsa”, një e mitur qëndron në pjesën e pasme të mjetit, sipër bagazhit.
Si rezultat blutë bëjnë me dije se shoferi është gjobitur.
“Si rezultat i kontrolleve janë evidentuar dhe goditur raste të mbajtjes në automjet, të fëmijëve nën moshën 12 vjeç, pa sistemet e fiksimit. Policia bën thirrje se kushdo që nuk përdor rripat e sigurisë dhe sistemet e fiksimit, të parashikuara për pasagjerët deri në 12 vjeç, ndëshkohet me masë administrative nga 5000 deri në 15000 lekë të rinj.
“Përgjegjësia për këtë shkelje bie mbi drejtuesin e mjetit ose mbi atë që është ngarkuar për mbikëqyrjen e fëmijës, nëse ndodhet në automjet, në momentin e kryerjes së shkeljes.
Në rast se shkelja është kryer nga drejtuesi i mjetit, përveç masës administrative, atij i vendoset edhe masa plotësuese pezullimi i lejes së drejtimit, për një periudhë nga 6 deri në 12 muaj”, njofton policia.
